Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Mjumbe wa Tume ya Mabadiliko ya Katiba,Profesa Mwesiga Baregu.
Profesa Baregu amesema hatua hiyo ya CCM mwishowe itawagharimu kwa kuliingiza taifa kwenye mtafaruku mkubwa utakaosababisha uvunjifu wa amani.
Amesema misimano isiyo na tija na mbinu chafu ambazo CCM wanajaribu kuzifanya ili kupenyeza mipango yao ambayo haikubaliki kwa wananchi, ni hatari na inaweza kusababibisha machafuko makubwa nchini.
Profesa Baregu, aliyasema hayo katika mahojiano maluum na NIPASHE na kueleza kuwa vitendo vinavyojitokeza katika Bunge hilo Maalum la Katiba, ni wazi kwamba kuna watu wameingia kwenye Bunge hilo bila kuelewa lengo lake.
Profesa Baregu alisema kuwa Bunge hilo siyo kwa ajili ya kupigana vikumbo, isipokuwa ni kwa ajili ya kutengeneza mfumo ambao utaleta maelewamo kwa ajili ya mustakabali wa nchi na wananchi wake.
"Hivyo kutokana hali ilivyo, ni wazi kuwa Chama tawala ndiyo kinaweka misimamo yake juu ya maslahi ya taifa, suala hilo halitakubalika na badala yake kuna hatari ya kuleta machafuko," alisema Profesa Baregu.
Aliongeza: "Kwa mantiki hiyo, Watanzania wanaotegemea Katiba inayotokana na mchakato wa maoni yao kwa maslahi ya nchi, wasipoipata na wakaletewa Katiba iliyobeba matakwa ya CCM, kuna uwezekano mkubwa wa kuleta mtafaruku mkubwa kama ilivyotokea nchi jirani ya Kenya," alisema Profesa Baregu.
Aidha, alisema kama Katiba haitapatikana na kuingia kwenye uchaguzi bila Katiba mpya, uchaguzi huo hautakuwa huru.
"Wanaofanya mchezo na Katiba wasidhani kuwa watapata Katiba ya sehemu fulani ama ushindi wa kitu fulani, lakini wafahamu kuwa zao la Katiba ni la zao la kile walichochangia wananchi wenyewe," alisema.
SOURCE:
NIPASHE
0 comments:
Post a Comment